1Pe 1 | PONPDN | STEP | IET nai Petrus wanporon en lesus Kristus amen on me pilipildar ren me kaikairu pakasar Ian Pontus, Kalesia, Kapadosien, Asien o Pitinien.

1 Peter 1

1 IET nai Petrus wanporon en lesus Kristus amen on me pilipildar ren me kaikairu pakasar Ian Pontus, Kalesia, Kapadosien, Asien o Pitinien. 2 Me pilipildar pan kupur en Kot Sam, ap kasaraui kila Nen, pwen peik o makelekeleda pan ntan lesus Kristus. Mak o popol ni rok re omail! 3 I Kapin on Kot, o Sam en Kaun patail lesus Kristus, me kotin kaipwi kap kitail on kapopor maur, pweki a kalanan lapalap pan lesus Kristus aisadar san ren me melar akan, 4 On soso eu, me sota pan dukedi o so samin, o so monedi, me nekinekid on komail nanlan. 5 Komail me pakolekoleki mana en Kot ni poson on maur potopot, me pan sansaldo ni imwin ran akan. 6 Iran met komail kin peren kida, murin omail insensuedeki soneson kai ansau motomot, ma I duen kupur a. 7 Pwe omail poson en diarokada ni pun o, pan kasampwal san kold sor, a me kin diarok kida kisiniai, men kapin, o linan, o wau, ni en lesus Kristus a pan sansaleda. 8 Me komail sota kilaner, ari so, komail kin pok on i, o komail kin poson i, me komail sota kin kilan ansau wet, a i me komail kin peren kida peren laud kaualapia. 9 I me pan kare on komail imwin omail poson, iei dorelan nen omail. 10 lel maur o, me saukop oko raparapaki o kalekalelapok, me kokop kida mak, me pan pwara don komail. 11 O re raparapaki, iad ansau o duen ansau me Nen en Kristus me kotikot re ’rail, kotin kasaledar, o me kotin kokopkido kamekam en Kristus o a linan, me mi muri. 12 A pakair pwara don irail, kaidin pwen papa pein irail, a komail, rap kalok on komail er san ren me padaki on komail ronamau ki Nen saraui, me pakadarado san nanlan, me pil tounlan kan inon ion kilan. 13 I me komail en katenedi lonelone en nen omail. Komail masamasan o kaporoporeki melel mak en Kot, me pan wisike don komail ni en Iesus Kristus a pan sansaleda. 14 Komail dueta seri en peik kan, komail der paroki on inon sued en mas o, me mi re omail ni ansaun omail rotorot. 15 A duen i, me kotin molipe komail er, me saraui, iduen komail en pil saraui ni son en wiawia karos. 16 Pwe a intinidier: Komail en saraui, pwe nai me saraui. 17 O ma komail pan kapakap on Sam, me sota kotin lipilipil aramas amen, pwe a pan kotin kadeikada duen dodok en amen amen, komail ari kekeide ki ni masak arain omail kaikairu nin sap pa et. 18 Pwe komail asa, kaidin kapwa sor: Silper de kold, me komail kamaio kila san omail dadaurata kaudok o, me men kaua padokedi on komail, 19 A ki ntan Kristus kasampwal dueta sippul amen, me so samin o so muaimuai. 20 Me kileledier mon sappa pasonedier, ap sansaleda ni imwin ran akan pweki komail. 21 Komail me poson Kot ki i, me Kot kotin kaiasadar san ren me melar akan, ap kotin kaliwanada i, pwe komail en poson o kaporoporeki Kot. 22 O komail kamakelekeleki nen omail ni peik o melel, pwen pokepoke melel ri omail akan. Komail ari teneten limpok pena san monion omail makelekel. 23 Dueta ir, me ip sapal, kaidin san ni wa mor, a san ni me somor, iet: San nan masan maur en Kot, me pan duedueta. 24 Pwe uduk karos me rason ra, o ar linan karos me rason masal en wan ra. Ra o monidin o masal en wan ra moredier. 25 A masan en atail Kaun pan potopoteta kokolata, i masan, me kalok on komail ni ronamau.